Dil giriftar olub ol geysuyə
Dil giriftar olub ol geysuyə, Gözüm heyran olub ol məhruyə.
Bağlanıb tük kimi olmuş bədənim, Səri-zülfündə olan hər muyə.
O səbəbdən sevirəm mehrabı, Artırır meylimi ol əbruyə.
Kəbəyə var o cəhətdən şövqüm Ki, onun nisbəti var ol kuyə.
Kirpiyimdən yaş axır hər tərəfə, Yol tapa ta o qədi-dilguyə.
Xızr ölməzdi, deyir xalq, məgər Can verib qəmzeyi ol caduyə.
Şikvə eylərdi Füzuli, niyə bəs İndi şükr eyləyir ol ahuyə.