Dedin ki, əhli-vəfayə cəfa sən etməyəsən

Dedin ki, əhli-vəfayə cəfa sən etməyəsən, Yaman olar, bu xoş əhdə vəfa sən etməyəsən.

Mənəm nişan oxuna, ey qaşı kaman zalim, Rəqibə salma nəzər ki, xəta sən etməyəsən.

Gözəllik aləminin şahisən, rəva olmaz Ki, mən gəda nə dilərsəm, rəva sən etməyəsən.

Bu şərt ilə gözünə çəkdilər ki, sürmeyi-naz, Bizə tərəf nəzər, ey məhliqa, sən etməyəsən?

Mənim dilim qurumuş, səndə rəhmdən yox əsər, Necə deyim mənə cövr etmə, ta sən etməyəsən?

Könül, kərəm diləmə nazü qəmzəsindən kim, Özün nişaneyi-tiri-bəla sən etməyəsən.

Füzuli, eşq yolunda böyük xətərlər var, Deyilsən aşiq, əgər can fəda sən etməyəsən.