Çəkir eşqin məni hərdəm yeni bazarə yenə

Çəkir eşqin məni hərdəm yeni bazarə yenə, Dikmisən göz niyə bəs başqa xiridarə yenə.

Vardır əğyarə sənin gizlicə yüz mərhəmətin, Düşürəm dəmbədəm eşqində bir azarə yenə.

Bir sitəmkar vurub sinəmə peykan oxunu, Qoyma əl vurmağa bir başqa sitəmkarə yenə.

Bari-qəm bükdü belim, bircə bax Allaha, təbib, Məlhəm et yarəmə, vurma yeni bir yarə yenə.

Eşqi tərk etməyi məndən tələb etmə, naseh, Eşqdən başqa çağırma məni bir karə yenə.

Mənə tənha gecələr yar xəyalı bəsdir, Atmışam canı, məni eyləmə avarə yenə.

Çaklər düşdü, Füzuli, yaxama bir gül tək, O qədər kim, ürəyim oldu hədəf xarə yenə.