Çəkdim yolunda əksini bu cismi-zarımın
Çəkdim yolunda əksini bu cismi-zarımın, Bəlkə ayağını öpə bildim nigarımın.
Ol rəhgüzarı seyr edirəm mən bu zövq ilə, Şayəd, tutam rikabını ol şəhsüvarımın.
Ağlar həyatıma mənim hər kəs ki, sürməsin Dövran çəkərsə gözlərinə gər ğübarımın.
Fərhadü Məcnun olmadı rüsva mənim kimi, Xarü xəsin zəmanə yudu rəhgüzarımın.
Sakit olubdu göz yaşım ol xaki-paydən, Ən yaxşı tutiyası budur əşkbarımın.
Ahımla göz yaşımdan həzər eylə, ey fələk! Kəskin qılıncıdır bu dili-dağidarımın.
Cövrün, Füzuli, etmə hekayət o gülrüxün, Kəsmə ümidini dili-ümmidvarımın.