Cəm’ könlün dövr cövründən pərişan olmasın
Cəm’ könlün dövr cövründən pərişan olmasın, Çərx fərmanınla gəzməkdən peşiman olmasın.
Yer işi, gög cünbüşi-rə’yinlə bir dəm olmasa, Yeddi iqlimü doquz gərduni-gərdan olmasın.
Bir binadır dövlətin, olmuş pənahi-xasü am, Ol bina, yarəb, cahan olduqca viran olmasın.
Qılmasa aləm muradınca mədar, olsun xərab, Olmasa dövran sənin rə’yinlə, dövran olmasın.
Cizginirkən dustlər kamınca fərmanində çərx, Hakimi-təqdirdən təğyiri-fərman olmasın.
Tabe’ olsun cümleyi-aləm sənin fərmanına, Cümleyi-aləmdə səndən qeyri sultan olmasın.
Ləhzə-ləhzə gülşəni-məhdində guya olmasa, Bülbüli-nitqi Füzulinin xoşəlhan olmasın.
Lüğət: Cünbüş – tərpənmə, qımıldanma, hərəkət; Gərd – toz; Təqdir – əvvəlcədən qərara alınmış; Təğyir – döndərmək, dəyişmək