Cananı dünən bağçada gördüm, dəli oldum

Cananı dünən bağçada gördüm, dəli oldum Yar olmuş idi bir yada, gördüm, dəli oldum.

Gördü məni, xiclətdən o gül rəngi qızardı, Mən başa bunu bir qada, gördüm, dəli oldum.

Eşq atəşi bir şölə çəkib suzi-cigərdən, Getdi o dəm əqlim bada, gördüm, dəli oldum.

Sinəmdə ikən dağı o şirinləbin əfsus, Bu ad verilib Fərhada, gördüm, dəli oldum.

Firqət dənizində vətən eşqiylə üzərkən, Hər yanda ki, yarım ada, gördüm, dəli oldum.

Dəryayi-məhəbbət ki, onun sahili yoxdur, Qərq olmuşam ol dəryada, gördüm, dəli oldum.

Bu eşq edib çoxları divanə Şəfai, Amma səni yaxmış oda, gördüm dəli oldum.