Bu gün gəldim cəhanə, sərvərəm mən
Bu gün gəldim cəhanə, sərvərəm mən, Yəqin bilin ki, nəqdi-heydərəm mən.
Firidun, Xosrovü Cəmşidü Zöhhak Ki, Rüstəm Zaləmü İskəndərəm mən.
Ənəlhəqq sirri uş könlümdə gizlü Ki, həqqi-mütləqəm, həq söylərəm mən.
Nişanımdır mənim taci-səadət, Süleyman əlinə əngüştərəm mən.
Məhəmməd nuridən, Əli sirindən Həqiqət bəhri içrə gövhərəm mən.
Xətayiyəm, şəha, əksüklü quləm, Qapında bir kəminə kəmtərəm mən.
Lüğət: Sirri – əf’al – işlərin sirri; Nuri – rəhman – ilahi nur; Bəhr – dəniz; Kəminə – aciz, ən kiçik