Boyun bir sərvi-rə’nadır, güli var
Boyun bir sərvi-rə’nadır, güli var, Səmən üzrə pərişan kaküli var.
Nə nazikdir cəmalın gülşəni kim, Güli-tər üzrə nazik sünbüli var.
Nə gülşəndir yüzün kim, çevrəsində Hezaran əndəlibü bülbüli var.
Necə məstü xumar olmaya çeşmin, Önündə ləblərin kimi müli var.
İnanma zülfi əhdinə, Xətayi, Kim, anın bir başıvü min dili var.
Lüğət: Əndəlib – bülbül; Çeşmi – giryan – ağlar göz; Dili – şeyda – vurğun ürək, sevən könül