Bağban, yarın boyu xoşdur mənə şümşaddan
Bağban, yarın boyu xoşdur mənə şümşaddan, Tərbiyət almaq fəqət mümkündür istedaddan.
Gül dodağın xəttini alsam dilə, sən incimə, Nəqşi-Şirindir xəbərsiz tişeyi-Fərhaddan.
Naləyə yol qoymayıbdır, bağlayıb qanlı könül, Məsti-bəzmi-heyrətəm, keçmiş işim fəryaddan.
Fariğ olmaz axirət cövrü əzabından o kəs Kim, sənəmlər zülfünü öyrənməmiş ustaddan.
Eşqi rədd etməkdə zahid çəkməyir möhnət, fəqət Dəhrdə kim qurtarıbdır möhnətü bidaddan.
Zahidin olmaz yəqin meyxanəyə heç rəğbəti, Bayquşun gəlməz xoşu bir mənzili-abaddan.
Ey Füzuli, badə tərkin qılmağa əzm eylədin, Bir düşün, gör, boş deyil əqlin sənin bünyaddan?