Axıtdım qanlı göz yaşın, hübabindən məkan etdim

Axıtdım qanlı göz yaşın, hübabindən məkan etdim, Səni yadlar gözündən ol məkan içrə nihan etdim.

Çıxarmaq müşkül idi eşqinin sevdasını candan, Dedin: gəl, eşqi tərk eylə, mən isə tərki-can etdim.

Bu qan olmuş könül, bildim, o xaki-payə mayildir, Odur ki, sinə çakindən nisari-asitan etdim.

Fələk ulduz yükündən ah oxumla xeyli qurtardı, Nişansız oldu hər ulduz ki, ahımdan nişan etdim.

Fələk seyrindən əsla olmadı kami-dilim hasil, Xəta qıldım, ona bihudə sərfi-nəqdi-can etdim.

Gözümdən yaş axıb, sel tək bütün dünyayə səs saldı, Qəribə bir dil ilə eşqimin dərdin bəyan etdim.

Füzuli, səbr əlimdən gəlməyir cananın eşqində, Bu qorxunc işdə yüz dəfə özümü imtahan etdim.