Aşiqi-dilxəstə gör dildarə döndərmiş yüzin
Aşiqi-dilxəstə gör dildarə döndərmiş yüzin, Aləmi tərh eyləmiş, sən yerə döndərmiş yüzin.
Haşalillah kim, könül yüzin qapundan döndərə, Bülbüli-biçarədir, gülzarə döndərmiş yüzin.
Döndərib zahid yüzin divarə hər dəm yaş tökər, Aşiqin divari yox, didarə döndərmiş yüzin.
Yarə döndərmiş yüzin görgəc rəqibə söylədim: – Ol güli-xəndani gör kim, xarə döndərmiş yüzin.
Dünyada məqsudinə hər kimsə yüzin döndərər, Bu Xətayi sən büti-əyyarə döndərmiş yüzin.
Lüğət: Tərh – atmaq, qaralama, layihə; Xəndan – gülən; Xarə – çaxmaq daşı, bərk daş