Aşiqəm, bir sənəmi-laləüzarım vardır

Aşiqəm, bir sənəmi-laləüzarım vardır, Bir də sevdalı başım, qəlbi-figarım vardır.

Ciyərim, qəlbimi islatma qızıl qanın ilə, Ki, o saf lövhədə bir nəqşi-nigarım vardır.

Arzum oldur ki, qəmində başım əldən getsin, Çün bəla aşiqiyəm, eşq ilə karım vardır.

Aparıb səbrü qərarım o qədi sərv gözəl, Bir ömürdür ki, nə səbrim, nə qərarım vardır.

Mən ona aşiq ikən etmiş onu məst qürur, Yenə şadəm ki, elə sevgili yarım vardır.

Bir gülün aşiqiyəm bülbüli-şeyda kimi mən, Yox əcəb, şamü səhər naleyi-zarım vardır.

Yar kuyindən uzaq düşdü Füzuli, nə olar, Bax könül güzgüsünə, gör nə qubarım vardır.