Adım ismayıl ibni heydəriyəm
Adım İsmayıl ibni Heydəriyəm, Əlinin çakərinin çakəriyəm.
Hüseyni məzhəbəm mən din içində, Məvali olanın mən rəhbəriyəm.
Mənim ğazilərümə hörmət eylən, Könül evində onların biriyəm.
Məni onlardan ayru sanmanız siz, Vəleykin onların mən sərvəriyəm.
Mənəm həm pirü həm sultani-aləm, Xətayiyəm, şahın bir kəmtəriyəm.
Lüğət: Məvali – sahiblər, hamilər, dostlar