Yarpaq

Budaq üstə yamyaşıl bir dünyan vardı, Heyf sənə budağından düşən yarpaq. Baxmaq olmur, sapsarıdı yanaqların, Ayrılığın həsrətində bişən yarpaq.

Təbiətin payızına dözəmmirsən, Yaz xiffəti ürəyini deşən yarpaq. Qurda-quşa yem olmağın vaxtı çatıb, Sinəsini boz qanqallar deşən yarpaq.

Üşüyəndə isinməyə budağın yox, Günəş öpən, meh oxşayan dodağın yox. Güvəndiyin bir dağ vardı, o dağın yox, İndən belə susmaq olar peşən, yarpaq.