Tanrım, məni bu meydanda təkləmə

Tanrım, məni bu meydanda təkləmə, Qohum da ver, yaxın da ver, yad da ver. Yerin, göyün nemətini dadmağa, Zəhmət də ver, ləzzət ver, dad da ver.

Başlamışam döyüşlərin məşqinə, Sellər coşsa, salma məni daşqına, Yaratdığım nəğmələrin eşqinə İşıq da ver, ocaq da ver, od da ver.

Sən özünsən istedadın sahibi, Qəlbin, ruhun, qol-qanadın sahibi. Qıyma mənə, min bir adın sahibi, Nüfuz da ver, nəfəs də ver, ad da ver!