Şah başında tac kimi

İyirmi gün tamamdı, evimdən uzaqdayam, Vurnuxuram, hər şeyə, yerə, göyə ac kimi. Allah! Bir-birimizə necə doğmalaşmışıq, Ev qurulu bir xana, mən əriş-arğac kimi. Gedib uzaq elləri gəzsə də, dolansa da, Hər kəsə öz evi xoş, ağrıya əlac kimi. Buludlarla öpüşüb başın göyə dəysə də, Gərək öz həyətində bitəsən ağac kimi. Hər kişinin evinə istəyi, məhəbbəti, Gərək ucada dursun şah başında tac kimi.