Salarsan

Eşqimi dağlara verən gözəlim, Bu dəfə yolunu bizdən salarsan. Çox da yüksəklərə getməsin ağlın, İndi də meylini düzdən salarsan.

Gələrsən, qızarıb söküləndə dan, Közərəndə könül, alışanda can. Mənim yorğanımı oddan-alovdan, Mənim döşəyimi közdən salarsan.

Sükut meydanında xəyal yas tutar, Gəlməzsən, sinəmdə ürək pas tutar. Hardasa gözünü ehtiras tutar, Gözlə, məhəbbəti gözdən salarsan.