Qohum bildik, qoyduq adam yerinə
Qohum bildik, qoyduq adam yerinə, Xələt verdik, gəl Bəşirin toyuna. Qaçdınız pünhanda daldalandınız, Lənət müxənnətin əsli-soyuna.
Müxənnətlər vədə verdi, gəlmədi, Qəza qəhr eylədi, iş düzəlmədi. Bic sövdəyar xırda heyvan almadı, Öküz getdi, cöngə getmir boyuna.
Ağıllılar belə qoydu şuruti;. Pulu bacarmayan göndərsin çiti. Xaloğlu Qəfərdi gəllədar iti, Kəm salın başına, getsin qoyuna.
Sən niyə gəlmədin, bəs, İmamalı?! Dağıtdın ölkəni, yıxdın mahalı; Səni də aldatdı dünyanın malı, Zəhər Qələndərin pencər payına.
Qara Cəfər irəşbərdi, ustadı, Çıxıbdı hər yerdə söylənir adı, Kasıbdı, məzlumdu, yoxdu bir zadı, Hayıf zəhmətinə, haqqı-sayına!