Qırmızı
Yanağı qırmızı, buxağı ağdı, Çıraqban eyləyib ağı qırmızı. Ala gözlərinə gözüm sataşdı, Əridi ürəymin yağı qırmızı.
Qüdrətdən çəkilib qaməti-şahbaz, Mərnus dizlik geyib, çəpkəni ətlaz, Buxaq düymələnib kağızdan bəyaz, Mərcan düzüb boyunbağı qırmızı.
Sərrafam gövhəri, kanı itirdim, Hesabı, dəftəri, sanı itirdim, Üzün gördüm, din-imanı itirdim, Çəkdi sinəm üstə dağı qırmızı.
Ələsgərin meyli ondan üzülməz, Əgər ayrı düşsə, şad olub gülməz. Xəstə düşər ölməsə də, dirilməz, Müxtəsəri, sözün sağı, qırmızı.