Qalmadı
Qərinələr keçdi, dövran dəyişdi, Pozuldu qurğular, nizam qalmadı. Zamana bəd gəldi, insan bic oldu, Seyddə, mollada inam qalmadı.
Yığılın danışaq, qəlyan çəkənlər, Bostan becərənlər, əkin əkənlər. Ananov kağıza tütün bükənlər, Qurtardı tənbəki, saman qalmadı.
Necoldu Serbiya, Çernoqoriya?! Əl-ayaq altında itdi İtalya, German bomba atdı, qan oldu dərya, Qırıldı, dünyada insan qalmadı.
Bağlanıb zavodlar, kəsilib qəndlər, Qaynamır samovar, artıbdı dərdlər, Niyə ağlamasın yazıq arvadlar; Söküldü döşəklər, yorğan qalmadı.