Qaldı

Bizi ayırdılar, ayrı saldılar, Baxışım titrəyən dodaqda qaldı. Axdı qəhərimdən gözümün yaşı, Gözlərim o qoşa bulaqda qaldı.

Bir görüş kimsənin deyildir bəsi, Vaxtsız ayırmasın tale heç kəsi. Ümidi qırılan bir qəlbin səsi Fikirdən çıxmadı, qulaqda qaldı.

Getməz xəyalımdan o vaxt, o vədə, Daha gəlməsə də nə səs, nə sədə. Dolanıb ömrümdən illər keçsə də, Demərəm o günlər uzaqda qaldı.