Ölümsüzlük Allahın

İştah diş altındadır, Əsiriyəm iştahın. Girovuyam ömürlük, Nəfsin, suçun, tamahın. İlişmişəm cənginə, Yaratdığım güllənin, Yaratdığım silahın. Dağ boyda dumanı var Çəkilən dərdin, ahın. Bəraəti yoxdu, yox, Qazandığım günahın. Allahın günahı yox, Allahın tamahı yox. Tutduğu işə görə, Çəkilməli ahı yox. Bəlkə, ona görə də, Ölüm mənim qismətim, Ölümsüzlük Allahın!