Ölüm bizdən güclü çıxır
Bu, ömür-gün yollarıdı, varlı keçir, kasıb keçir, Dərd insandan aralanmır, hər gün dardan asıb keçir.
Həqiqəti demək eşqi qismət olmur çoxlarına, Kimi batır öz içində, kimi səsin qısıb keçir.
Əl açsaq da, əl yetişməz Yaradanın ətəyinə, Kimi Haqqa könül verir, kimi Haqdan küsüb keçir.
Yüz il sonra torpaq üstə çəmən kimi göyərsək də, Ölüm bizdən güclü çıxır, başımızdan basıb keçir.
2003, 2 yanvar