Ölüm

Məni öldürəmməz düşmən gülləsi, İşvəsiylə, qəmzəsiylə, nazıyla, Öldürsə, məni bu çiçəklər öldürəcək.

Pələngin nərəsi qorxuda bilməz, Zərifliyi, yumşaqlığı, paklığıyla Öldürsə, məni kəpənəklər öldürəcək.

Əzrayılın mənlə bağlı işi yoxdu, Süzüb keçən, yanıq verən baxışıyla Öldürsə, məni bu mələklər öldürəcək.

Bu gün sağam, ölüm mənə bata bilmir, Hakimliyin, məhkumluğun əlləriylə Öldürsə, məni Mənsiz olan gələcəklər öldürəcək.