O söz

Sözüm yerə düşdü nadan yanında, Qaldıra bilmədim yerdən o sözü. Saxlaya bilmədim ucalığında, Qoruya bilmədim şərdən o sözü.

Ruh oldum, o sözün ruhuna yatdım, Sözün ocağını qaladım, çatdım. Niyə zirzibilin içinə qatdım, Mən ki toxumuşdum zərdən o sözü.

Neçə dağ aşıram, dərə keçirəm, Çöllərə bənd açıb, bərə keçirəm. İndi də utanıb yerə keçirəm, Yadıma salanda hərdən o sözü.