Nə müşkül olsa qılır çərx ruzigarilə həl
Nə müşkül olsa qılır çərx ruzigarilə həl Mürurilə açılır tabi-tari-tuli-əməl.
Könül muradını tədric ilə bulur hasil, Təhəmmül olsa yetər daməni-mətalibə əl.
Nizami-aləm üçün əskik olmaz əhli-səlah, Qomaz ümurini aləm muəttəlü müxtəl.
Fərasət əhli kəm olmaz səlahi-millət üçün Bu nəzm silsiləsi eyləməz qəbuli-xiləl.
Cəhani çərx müdəbbirdən eyləməz xali, Degil məsalihi-müstə’məli-cahan möhməl.
Nə lütfdür yenə kim, xütteyi-Iraqi-ərəb Kəmali-mə’rifəti-Kirdikarə oldu məhəl,
Nişani-rövnəqi-Bağdaddır bu kim, qılmış Zühuri-lütfi-mücəddəd Xudayi-izzə və cəl.
Müsəvvər eylədi nəqşi-sə’adəti-əbədi, Bisati-büq’eyi-Bağdadə nəqşbəndi-əzəl.
Münəvvər eylədi ədliylə övliya bürcün, Hümayi-övci-hünər, qütbi-ə’dəlü əkməl.
Müini-şər’i-şərifi-nəbi Məhəmməd bəg Ki, zikridir səbəbi-zikri-Əhmədi-Mürsəl.
Zəhi büləndməqami ki, payeyi-qədri Ülüvvi-tarəmi-ə’layi göstərir əsfəl.
Səməndi-qədri əgər salsa mixi-zərrinnə’l, Olur cəvahiri-əklili-Müştərivü Zühəl
Nə mülkə kim, əsəri-iltifati-salsa şərəf, Olur xəzanı bahara, qəmi nişata bədəl.
Vücudi-bibədəli afitabdur, əmma Bir afitab ki, daim mədari ola Həməl.
Büləndqədr şəha, sənsən ol sə’adətmənd Ki, şə’ni-qədrinədir ayəti-vəfa münzəl.
Təfəhhüs eyləsələr hüsni-afiyət əhlin, Cəmii-xatirə sənsən xütur edən əvvəl.
Müyəssər olsa təriqi-itaətin xəlqə, Məmalik içrə olur rəf’ ixtilafi-miləl.
Əhatə qılsa cəmii-ümurə tədbirin, Hüdudi-mülkdə mərfu olur rüsumi-cədəl.
Müvafiqə şərəfi-təl’ətin mümiddi-həyat, Müxalifə əsəri-məqdəmin hüzuri-əcəl.
Degil zəmanədə məxfi dəbiri-rə’yindən Hesabi-dəftəri-daniş, müfəssəlü mücməl.
Həkimi-mə’rifətin sülhə mültəfit olalı Pozuldu mə’rəkeyi-fitnəvü büsati-hiyəl.
Saraldı şəhdi-kəlamindən əhli-məkr yüzü, Məzidi-illəti-səfra olur şəfayi-əsəl.
Gedirdi hiddəti-qəhrin fəsad tüğyanın, Qılır məzərrəti-bəlğəm izaləsin hənzəl.
Şəha, Füziliyi-bidil duayi-dövlətini Bilibdir əhsəni-ə’mali-xeyrü hüsni-əməl.
Həmişə cahü cəlal ilə müstədam ol kim, Mədari-əmnü əmansan, nizami-dinü düvəl.
* * *
Lüğət: Əməl – arzu; iş; Damən – ətək; Əhli – raz – sirr əhli, sirdaş; Kəm – az; Silsilə – zəncir; Müdəbbir – tədbir tökən; Xali – boş; Möhməl – nöqsansız hərf; Xütteyi – Rum – Rum ölkəsi, Kiçik Asiya İ; Övci – hüsn – gözəlliyin yüksək zirvəsi; Əkməl – daha mükəmməl, nöqsansız; Şərif – şərəfli, mübarək; Nəbi – peyğəmbər; Qədr – dəyər, qiymət, məziyyət; Bədəl – əvəz, bir şeyin yerini tutan; Bibədəl – əvəzsiz; Hüsni – göftar – söz gözəlliyi X; Afiyət – sağlamlıq; Təriqi – hüda – hidayət yolu, doğru yol; Dəbir – katib, yazıçı; Daniş – bilik, elm; Şəhd – saf bal; Məzidi – illəti-idbar – talesizlik illətini artıran; Əhsən – çox gözəl; Müstədam – daimi, müdam