Möhlət Müslümova

O pərdələr, o barmaqlar, o simlər, Gah dirildir, gah öldürür Möhləti. Bu dünyanın harasında dil açsa, Səs tanıdır, tar bildirir Möhləti.

Fəryadımız, ah-zarımız tardadı, Hər ağrımız, azarımız tardadı. Beşiyimi, məzarımız tardadı, Gah ağladır, gah güldürür Möhləti.

Ruhdan gəlir halal sevgi, məhəbbət, Yaddan çıxmır nə ayrılıq, nə həsrət. Allahdandı bu ucalıq, bu şöhrət, İndi bildim kim qaldırır Möhləti.