Mənim ölümüm də gözəl olacaq

Kiminsə başına vaxtsız yağsa qar, Ruhum oda dönər, buza çevrilər. Qəlbimdə bir aşiq kövrəkliyi var, Toxunan oldusa, saza çevrilər.

Tər çiçək ömrünü yaşaya bildim, Solub gedəcəyəm tər çiçək kimi, Kəpənək ömrünü yaşaya bildim, Ölüb gedəcəyəm kəpənək kimi.

Tez-tez dəyişəcək fəsli, iqlimi, Yamyaşıl yarpaqlar xəzəl olacaq. Haqqa inanıram, həyatım kimi, Mənim ölümüm də gözəl olacaq.