Mən sənin oldum

Dalğa dənizindi, çiçək çəmənin, Ruh canın payıdı, nəfəs bədənin, Millət şairindi, şair Vətənin, Nə yaxşı, nə yaxşı mən sənin oldum.

Qanım nəslimindi, canım torpağın, Möhtacı deyiləm beş arşın ağın. Yaşıl ağacında yaşıl yarpağın, Sarı sünbülündə bir dənin ollam.

Araya uçurum, dərə salmadı, Xeyrə yol göstərdi, şərə salmadı. Yaradan sözümü yerə salmadı, Vətən deyə-deyə Vətənin oldum.