Kəsdilər

Dalğalara həsrət qaldı, dənizlərə tamarzı, Yaxşı üzən şairlərin qollarını kəsdilər. Qələmini sındırdılar, dəftərini aldılar, Yaxşı yazan şairlərin əllərini kəsdilər. Sözü gözdən salmaq üçün qılınc mindi hörmətə, Haqqı deyən şairlərin dillərini kəsdilər. Bülbül kimi ötən sazı çırpıb qara daşlara, Pərdələri doğradılar, tellərini kəsdilər. Şair dili, şair əli, şair yolu kəsənlər Özlərinin haqqa gedən yollarını kəsdilər.