Həsrətdən süzülən

Bir zaman dağ mənim, daş mənimiydi, Mən eşqin dağından enib gəlmişəm. Gözümün işığı gözümdən düşüb, Canımın sağından enib gəlmişəm.

Güc ola, zamanı alam atından, Tutam yaxasından, salam atından. Ömrümün-günümün salamatından, Ən şirin çağından enib gəlmişəm.

İndi nə iştaham, nə də ki aşam, Bir himə bəndəm ki, büdrəyəm, çaşam, Heyrətdən süzülən bir damla yaşam, Yarın yanağından enib gəlmişəm.