Hara qaçım
Hara qaçım dünyadan, Bu dünya dərdnən dolu. Dərdnən dolu dünyanın, İçi namərdnən dolu.
Kökünə bax ağacın, Gövdəsi qurdnan dolu. Millətin içinə bax, İçi manqurtnan dolu.
Dünya barıt çəlləyi, İçi silahnan dolu. Gözləri qəm, kədərlə, Könüllər ahnan dolu.
Mədə daşla, dəmirlə, Qarın tamahnan dolu. Üzür günah içində, Dünya günahnan dolu.
Nə vaxtsa bu dolular Çevrilməsə boşluğa, Bu dünya qurşanacaq Ən ağır sərxoşluğa!