Günah
Özümdən xəbərsiz bir qara paltarlı qadının yanında ürəkdən şaqqanaq çəkib güldüm. Sonradan biləndə ki, bu dərdli ana şəhid anasıdır, xəcalət təri məni basdı, ölüb yerə keçdim.
Zaman sinəm üstə çaylar axıda, Yuyub təmizləməz su günahımı. Allahım, sən özün dadıma yetiş, Rəhimsən, adilsən, yu günahımı.
Dərdimiz dənizdi, özümüz ada, Candan əskik olmur nə qan, nə qada. Bütün günahlarım bağışlansa da, Tanrım, bağışlama bu günahımı.
2009