Fələk hər dövrdə bir feyzi-hikmət aşikar eylər
Fələk hər dövrdə bir feyzi-hikmət aşikar eylər, Təqalibi-zaman izhari-sün’i-Kirdigar eylər.
Qəradən ağı fərq etməz bu rəmzin bilməyən dəhrin Ki, niçün gəh nəhari leylü gəh leyli nəhar eylər.
Bəyaz üzrə səvadi-nüsxə kim əsrari-hikmətdir, Xirəd hər hərfini mənzuri-eyni-e’tibar eylər.
Əsiri-dərd olanlar ruzigarın inqilabından, Əgər sən həm tərəhhüm qılmasan tərki-diyar eylər.
Fələk dövranının əhvalinə vaqif olan arif, Təriqi-səbrü təslimü təvəkkül ixtiyar eylər.
Müqarin olsa asari-səadət tirə toprağə, Nəsimi-növbahar ol tirə toprağə güzar eylər.
Mücəlla eyləyib ayineyi-təb’in küdurətdən, Qılıb xürrəm, verib lütfi-təbiət laləzar eylər.
Verir hər xəstəyə əlbəttə dövrani-fələk dərman, Vəli bir qaç zaman bimari-dərdi intixar eylər.
Qılır hər namuradi aqibət məqsudinə vasil, Vəli bir neçə müddət zilli-hirman ilə zar eylər.
Zəmanə hər diyarə istəsə asari-əmniyyət, Ona sahibliva, bir sərvəri-rif’ətşüar eylər.
Qəza hər kişvərin əhlinə cəm’iyyət murad etsə, Ona əlbəttə bir danayi-kamil şəhriyar eylər.
Bihəmdillah bu gün bu mülkə salmış sayə bir adil Kim, onun nisbətilə izzü rif’ət iftixar eylər.
Sərəfrazi ki, feyzi-xakbusi-asitanından Enib hər dəm günəş kəsbi-ülüvvi-iqtidar eylər.
Səfayi-zikri-xaki-payidir ol seyqəli-rəhmət Ki, mir’ati-dili-əhbabdən rəf’i-qübar eylər.
Fələk məşşatəsi verdikdə ziybi-şahidi-dövlət, Onun mahi-livayi-rif’ətin ayinədar eylər.
Zəmanə inqilabından fərağət istəyən arif, Onun mə’mureyi-iqbalına hisni-həsar eylər.
Səmiyyi-Əhmədi-Mürsəl Məhəmməd bəy, o dəryadil Ki, mir’ati-dili-əhbabdən rəf’i-qübar eylər.
Əya sərdari-rövşənrə’y mülkaray, fərruxrüx Ki, hər mənsəbdə ismin iqtizayi-iştihar eylər.
Kəmali-mə’rifət hər xandavü hər dövrdə olsa, Səni sərdəftəri-ərbabi-təmkinü vüqar eylər.
Bu mülkə sayeyi-dövlət buraxmışsan bihəmdillah, Yeridir gər sənə mülk əhli can nəqdin nisar eylər.
Neçin kim zati-pakin məzhəri-feyzi-ədalətdir, Bu mülkün hər günün novruzü hər fəslin bahar eylər.
Məşahid rövnəqinə əzm qılmışsan, zəhi himmət, Bu himmətlə səni Xəllaqi-aləm kamikar eylər.
Şəhidi-Kərbəlayə su yetirmək qəsdin etmişsən, Səni əlbəttə aləmdə bu niyyət payidar eylər.
Sərəfraza, Füzuli xəstəyə bu mülki-qürbətdə, Sipehri-namüvafiq dövri cövri-bişümar eylər.
Əgərçi biqərar etmişdir ol biçarəyi möhnət, Bulub təmkin sənin zövqi-vüsalinlə qərar eylər.
Cəmii-xəlqdən qət’ eyləmiş sərrişteyi-ülfət, Əgər sən həm tərəhhüm qılmasan tərki-diyar eylər.
Sən ol pakizətəl’ət, afitabi-aləmarasan Ki, lütfün könlümü yüz məqsədə ümmidvar eylər.
Verir mədhi-şərifin cövhəri-göftarinə rövnəq, Sədəfdir qətreyi-barani dürri-şahivar eylər.
Qılır şəm’i-cəmalın nuri təb’i-tirəmi rövşən, Günəşdir səngi-bimiqdarı lə’li-abidar eylər.
Ümidim var kim, var olasan aləmdə qədr ilə, Qəza hər necə kim yoxdan cahan əhlini var eylər.
* * *
Lüğət: Kirdigar – Allah; Fərq – baş; Dəhr – zaman, dünya, aləm; Leyl – gecə; Bəyaz – ağ; Səvad – qaralıq; Əsrari – nihan – gizli sirlər; Xirəd – ağıl; Mənzur – nəzər olunan, baxılan; Vaqif – xəbərdar; Təriqi – hüda – hidayət yolu, doğru yol; Tirə – qaranlıq; Nəsimi – gülriz – gülləri tökən səhər küləyi; Təb – qızdırma; Xürrəm – şad, sevinc; Laləzar – laləlik, çəmən; Vəli – lakin; dost, xələf, mənəviyyatca Allaha yaxın; Zilli – hüma – hüma quşunun, dövlət quşunun kölgəsi; Hirman – məhrumiyyət; Zar – sızıldayan, ağlar, zəif; Sərvər – başçı; Kişvər – ölkə, məmləkət; Sayə – kölgə; Dəm – qan; zaman; nəfəs; ah; söhbət; Xaki – tirə – qara torpaq; Dili – tirə – qaranlıq könül, tutqun könül; Əhbab – dostlar; Qübar – toz, kədər; Məşşatə – gəlini bəzəyən qadın; Şahid – gözəl; şəhadət verən; Mahi – taban – parlaq ay; Hisni – pənahində – pənah qalasında; Dəryadil – geniş ürəkli, hövsələli; İqtizayi – ədl – ədalətin təqazası; Sərdəftər – giriş, müqəddimə; Əhli – raz – sirr əhli, sirdaş; Can – ruh, bədən; Məzhər – bir şeyin zahid olduğu yer; Payidar – davam edən, möhkəm; Qürbət – yaxın olmaq L; Sipehr – göy, səma; Afitabi – sübhi-məşhər – qiyamət səhərinin günəşi; Şərif – şərəfli, mübarək; Baran – yağış; Rövşən – işıqlı, aydın; Səngi – cəfa – cəfa daşı; Abidar – sulu, təzə; Qədr – dəyər, qiymət, məziyyət