Eşitməz

Su versəydim, qurumazdı bu ağacın budaqları, Su versəydim, çatlamazdı bu meyvənin dodaqları. Allahınmı qarğışıdı, bəndəninmi günahıdı, Yoxa çıxdı, qaynamadı dağ döşünün bulaqları.

Balta çaldıq tarixinə, yara vurduq yaşına biz, Zirvəsində qartal vurub qan çilədik daşına biz. Elə oyunlar açmışıq təbiətin başına biz, Eşitməz insan oğlunu təbiətin qulaqları.