Bitir

Əlimizdən yerə bir dən düşəndə, Payız qalır, qış dincəlir, yaz bitir. Bənövşənin naz boyuna biçilir, Bahar vaxtı ətəklərdə naz bitir.

Yaz fəslidi bizi eşqə gətirən, Arzumuzu boya-başa yetirən. Öz yerimdi tər çiçəklər bitirən, Özgə yerdə belə güllər az bitər.

Bitməliyəm, vaxtım-vədəm var mənim, Sabahımda səsim, sədəm var mənim. Torpaq əkən Qorqud Dədəm var mənim, Hər qarışda saz göyərir, saz bitir.