Bir qadın yaşadı
Qəbir daşında yazı.
Münəvvər xanımın xatirəsinə
Bir qadın yaşadı bu yer üzündə, Ruhu, zərifliyi gül-ipək kimi. Xətrinə dəymədi qarışqanın da, Dolandı bir pəri, bir mələk kimi.
Xeyirxah qadındı, mehriban ana, Yandırdı bağrını dərd xana-xana. Dözmədi ağrının ağırlığına, Soldu şaxta vurmuş bir çiçək kimi.
Çəkdiyi zəhmətdi, gördüyü acı, Qadındır hər evdə başların tacı. Ruhuna min rəhmət, Münəvvər bacı, Uçdun əlimizdən kəpənək kimi.
2010, 18 avqust