Bəlkə, qocalıq da qar rəngindədir

Təbiət pay böldü fəsillərinə, Çiçək yaza düşdü, qar qışa düşdü. Yer üzü ağardı bircə gecədə, Yağdıqca qar gözə, qar qaşa düşdü.

Zirvələr gümüşdü, dərələr ağdı, Qarın yaraşığı qartallı dağdı. Allaha şükür ki, çöllərə yağdı, Hələ ki qar dağa, qar daşa düşdü.

Cilovsuz at kimi baş alıb gedir, Bilmirəm bu qədər kövrəklik nədir. Bəlkə, qocalıq da qar rəngindədir, Qorxudan qəlbimə qarğaşa düşdü.