Babəkin başdaşında yazı

Nə yatdım, həyatda nə yuxu görəm, Tanrı varlığımı şikəst eylədi. Mənim pak ruhumu sağlam yaratdı, Mənim bədənimi şikəst eylədi.

Doğuldum, adıma Babək dedilər, Şöhrət verəmmədim o böyük ada. Mənim taleyimi, mənim baxtımı, Kövrək xatirətək gətirin yada.

Hamıya sağlamlıq arzularam mən, Heç kəsin canına dəyməsin qada. Heç kəsin balası göz görə-görə, Şikəstə dönməsin qoca dünyada.