Aparanda

Yaylığım gözümdən betər ağlayır, İnsan gözlərini yaş aparanda. Çimir kirpiklərim duzlu sularda, Dizimi dağ yeyib, daş aparanda.

Yanan ürəyini soyuda bilmir, Yatmış taleyini oyada bilmir, Allahın yoluna qayıda bilmir, Şeytan azdıranda, çaş aparanda.

Haqdı danışdıran haqqa tən dili, O, millət dilidi, o, Vətən dili. Ya başı kəsilir, ya ötən dili, Şairlər bir azca baş aparanda.