Allaha qaytarmaq üçün

Tanrı gücü, Allah eşqi, Yaradana inam gərək, Təkcə külüng bəs eyləmir qayaları yarmaq üçün.

Bizə Loğman ömrü gərək ömürləri uzatmağa, Bir şeytanın fəndi yetər min ümidi qırmaq üçün.

Ruhumda bir dönməz ərlik, qanımda bir səfərbərlik, Yol gedirəm Yaradanın dərgahına varmaq üçün.

Çılğın, qaynar bir həyatam, ömrüm boyu narahatam, Allahdan aldığım ömrü Allaha qaytarmaq üçün.